வேண்டும்
புத்தம் புதியதாய்
உலகொன்று வேண்டும் - சுதந்திர
உலகொன்று வேண்டும்
சுற்றித் திரியவும்
எட்டி நடக்கவும் - அகண்ட
வீதிகளங்கே வேண்டும்
வீதிகளைச் சேர்த்தினைக்கும்
பெரியதொரு வீடும் - அதில்
நிலாமுற்றமும் வேண்டும்
தோழிகளுடன் சேர்ந்தாட
பெரியதொரு புளியன்தொப்பும் - உடன்
குளக்கரையும் வேண்டும்
அன்பான ஆசானுடன்
ஆயகலைகள் கற்றிட - பெரியதொரு
கல்விச்சாலையும் வேண்டும்
சமூக மாற்றங்களும்
அறிவியல் வளர்சிகளும் - உடன்
பெண்விடுதலையும் வேண்டும்
பெண்ணென்ற காரணத்தால்
கண்டிட்ட தடைகளெல்லாம் - அங்கே
நொருங்கிசிதறிட வேண்டும்
ஆணும் பெண்ணும்
சமமென நடத்தும் - உயர்வான
நெஞ்சங்களும் வேண்டும்
வெளியெங்கும் சென்றிட
பயமின்றி நடந்திட - துணையாய்
சமூகமும் வேண்டும்
புத்தம் புதியதாய்
உலகொன்று வேண்டும் - சுதந்திர
உலகொன்று வேண்டும்
தடைகள் இன்றி
நிறைவேறிட வேண்டும் - இயல்பாய்
தோன்றிடும் ஆசைகளெல்லாம்
--பிரியா